KUKI WORSHIP SERVICE CHURCH
KIVAIPOHNA DANPI (6TH AMENDMENT)
Name of the Organisation: Kuki Worship Service Church
Registered Address: Happy Valley (Thembasuk), Madandiring-E, Shillong-793007
Regd. No. E/16/4 of 2007/283 (Govt. of Meghalaya)
KIVAIPOHNA DANPI (CONSTITUTION)
(The 6th Amendment 2022)
THUMAKAI
Hiche kiloikhom hi Shillong le akimvel a um Kukiten Pathen thu le lhagao thu a kipui hoi nading le kiloikhomna dinga kisem ahi. Christa hi hiche kiloikhomna luchang hiding ahi. Hiche kivaipohna Danpi hi tuni 9th February 2003 nin Kuki Worship Service Church, Happy Happy Valley Houbung sunga chepi ding in kakisem taove.
ARTICLE I : HOUBUNG MIN
Hiche Houbung min hi Kuki Worship Service Church, Happy Valley kiti ding ahi. Achomlama KWS Happy Valley Church tia kikou ding ahi.
ARTICLE II : KIPHUDOH NIKHO
Hiche Houbung hi 7th April 1997 nikho a ana kiphutdoh ahi.
ARTICLE III : EMBLEM
Hiche Houbung hin Emblem anoija banga hi anei ding ahi.
ARTICLE IV : HOUKHOM NA MUN
Hiche houbung houkhom namun hi Happy Valley (Thembasuk), Madanriting Police Station, Shillong, East Khasi Hills District, Meghalaya, Pin Code-793007 muna um ding ahi.
ARTICLE V: TUP LE DOI
1. Christa kipana thupha seiphong na ding leh Pakai lenggam machal nading;
2. Christa huhhingna nei nailou hon huhhingna akimu theina ding chulehuhhing changsa ho Pathen thua akitilkhou be theina ding;
3. Houbung sunga kipa ni hihen, da ni hijongleh khat le khat kihu to a, pan lahkhom ding;
4. Pathen Kin Theng – Twilut, Pakai Antheng jon, Kichen, Naopui, Maicham, Thilhah-Thivui chule adang dang tohthei na ding;
5. Houbung dang toh kihet to a, kitilkhou to ding;
6. Hiche Houbung hin muntina Kuki Worship Service (KWS) umho tailouva kaina le bena tum aneilou ding ahi.
ARTICLE VI : MEMBERSHIP (MIN KHUMNA/LAHDOHNA/KAHLHAHNA)
1. Hiche houbung a hi Christian hitapou houbung member hithei ding ahi.
2. Houbung member hiding jousen min khumna lekha (Membership Form) dungjuiya
min ahinpeh lut ding ahi.
3. Min khumna lekha hinpe hohi anatoh/achondan kikholchil ding, aboina aum louleh lahlutna kinei ding ahi. Ijem tia Chairman/Secretary in lung opkai na anei leh Deacon Board thulhuh dungjui hiding ahi.
4. KWS Happy Valley Church membership hi Shillong le akivela khosah sunga bou hiding ahi.
Member koihileh Meghalaya state dalha a munchom/gamchoma akichondoh phat leh (hetsah henlang/hetsah hih jongleh) member hina hi achamlou (automatic) a lahdoh ahitai.
5. Houbung membership kilahdoh nom aumleh kipedoh thei ding ahi.
6. Member koi hileh KWS Happy Valley Church douna/suhkehna dinga natong aumleh member ahina kona kahlhah thei hiding ahi.
ARTICLE VII : CHURCH DISCIPLINE
1. KWS Happy Valley houbung member nungah gollhang koi hileh houbung dan palkeh a jinei
aumleh vet a kikoi ding ahi.
2. Member koihileh ji kop aumleh vet a kikoi ding ahi. (ngaidam thum jongleh ji akop laisea vet
a umding ahi).
3. Member koihileh KWS Happy Valley Church dan palkeh a chon’a houbung suminse aumleh
vet akikoithei ding ahi.
4. Member vet a um ho chun:
i) Houbung mipi houkhomna muna panmun alo theilou ding;
ii) Pakai Antheng ajon theilou ding;
iii) Lamkai a kilheng theilou ding chuleh vote apehthei lou ding ahi.
iv) Achunga kipe ho bou hi vet a um ho dinga kiphal lou ahi, adangse vang member lhingset
kibolna banga kibol ding ahi.
5. Member vet a um koihileh kisihna aneiya hou-inn sunga Pathen le mipi masanga kam cheng tah a ngaidam athum leh, Deacon Board in achungthu akholchil ding lahlut dinga lom ahileh bou kila lut ding ahi. Nungah gollhang dan palkeh a jinei ahileh Article XIV(E)(1) hi kijui ding ahi.
ARTICLE VIII : KIVAIPOHNA LE THANEI NA (ADMINISTRATION)
KWS Happy Valley Church hi anoija banga hi kivaipo ding ahi.
A. GENERAL ASSEMBLY
1. Houbung sunga baptized member jouse kikhou khomna hi General Assembly kitiding,
hiche hi houbung sunga asangpen leh thaneipen hiding ahi.
2. Houbung tohgon len jouse General Assembly phatsah hiding ahi.
3. Houbung sunga Department thah, panmun thah (elected posts, Appointed/Paid workers
hijongleh) tamsah, lhomsah, lahdoh hi General Assembly bouvin tha anei ding ahi.
4.Term khat sunga hi Kumkim le Kumlhun General Assembly um ding ahi.
5. Apoimo dungjuiya Deacon Board in Special/Emergency General Assembly akou thei ding
ahi.
6. Kumlhun General Assembly teng leh kihoukhomna kipat masanga Assembly Chairman le
Assembly Secretary ding hi mipin alhen ding ahi. Kumkim/Special/Emergency teng leh
Houbung Chairman le Secretary in Assembly alamkai ding ahi.
7. Deacon Board le Executives Committee in aseilhah theilou jouse General Assembly a kisei
thei ding ahi.
8. Constitution a umlou houbung sunga chepi/jui dinga pha apoimo dung juiya General Assembly in dan asembe thei ding ahi. Hinlah ijemtia Constitution le Resolutions akikal khah a ahileh Constitution joh kichepi ding ahi.
B. EXECUTIVE COMMITTEE
1. Houbung le abahkai lamkai jouse hi Executive Committee hiding ahi.
2. Houbung le tibah (department) thutoh kisai hohi Executive Committee a kisei ding ahi.
3. Houbung Chairman le Secretary in apoimo dung juiya Executive Committee meeting akou ding ahi.
C. DEACON BOARD
1. Houbung sunga aphat tin’a mipi thalhenga mopo ding le vaihom dinga kilheng doh houbung lamkai hohi Deacon Board kiti ding ahi.
2. Chairman le Secretary in apoimo dungjui a Deacon Board meeting akou ding ahi.
3. Pastor hi Deacon Board a Ex-Officio member hiding ahi.
4. Deacon Board tohmun/panmun le mopohna hi anoiya bang hiding ahi.(Chairman, Vice Chairman, Secretary, Joint Secretary, Finance Secretary , Treasurer)
i) CHAIRMAN
a. Houbung sunga lamkai pipu hiding ahi.
b. Deacon Board leh Executive Committee Meeting a Chair alo ding ahi.
c. Kiloikhom na dang ho toh Houbung thalhenga thusei ding ahi.
d. Houbung sunga kin ho jouse avetsui ding amopoh ding ahi.
e. Gospel thusei ho Pastor/Secretary toh kiheto a thuseina phat apeh thei ding ahi.
f. Meeting tengleh langneina nei louhel a, atamjo dei dungjui a thutan na anei ding ahi.
g. Houbung sunga alamkai khompi ho avet tup ding, atosot jing ding ahi.
ii) VICE CHAIRMAN
a. Chairman aum lou teng leh Chairman panmun alo ding ahi.
b. Women Society Advisor a pang ding ahi.
c. Sunday School Supervisor hiding ahi.
d. General Assembly phatsah dung juiya tohmun dang jong akop thei ding ahi.
iii) SECRETARY
a. Houbung records, documents ho avettup a, kilolna ho jouse ajihlut/akoitup ding, Consumable Rcords (Receipt Books, Vouchers, etc) avettup ding ahi.
b. Members Registers, Certificates ho jouse avet tup ding amopoh ding ahi.
c. Houbung correspondence (lekha thot) jouse ama mopohna hiding ahi.
d. Houbung nei le gou ho avetsui ding ahi.
e. Mipi hetdinga kilom thu ho jouse Chairman toh kiheto a ahetsah a pang ding ahi.
f. Meeting ding teng leh member ho ahetsah ding ahi.
g. Chairman le Vice Chairman aumlou teng Chairman mopohna jong aneithei ding ahi.
h. Hou inn kaikhom programme (kin-gon) ama mopohna hiding chuleh Houbung sunga kingon ho Chairman le Pastor toh kihoutoh a agongtoh a pang ding ahi.
iv) JOINT SECRETARY
a. Secretary aum lou teng leh Secretary panmun alo ding ahi.
b. Youth Fellowship Advisor a pang ding ahi.
c. Houbung Mission le Evangelism natoh avetsui ding ahi.
d. Missionary Box Collection (Pastor le Evangelist toh kitho a Missionary Box ahon ding) ahi.
e. Missionary ho toh kiheto jing ding, atosot-atilkhou jing ding ahi.
f. Missionary Fund achintup ding, Missionary sum aphat cha a bank a deposit abol ding ahi.
v) FINANCE SECRETARY
a. Houbung income (sum hunglut ho) avet tup ding ahi.
b. Houbung sum hunglut jouse Receipt asa ding, Cash Register a ajihlut ding ahi.
c. Houbung sum hunglut jouse Receipt Voucher a ajihlut a,Treasurer koma apehlut ding ahi.
d. Bank toh kisai jouse ama mopoh na hiding, chule Houbung bank document jouse ama khut aum ding ahi.
e. Sum thu a Treasurer toh kitho jing ding, Treasurer ahimona chena, amopohtha ding ahi.
f. Receipt Book le Vouchers (Receipt/Payment) akimang chaisa, akimang nalai le akimang nailou jouse Audit dinga phatah a akoitup ding ahi
vi) TREASURER
a. Houbung sum chingtup a pang ding ahi.
b. Houbung expenditure (sum kijahna ho) avettup ding ahi.
c. Chairman hetpihna bouva sum aphal ding ahi.
d. Sum kimandohna aumphat leh Payment Voucher a akijahna ajeh kichehtah a ajih ding, Cashmemo/Bills/supporting documents toh akil tha ding chuleh Payment Voucher chunga Chairman in Countersigned abol ding ahi. Payment Voucher copy khat Finance Secretary apeh ding ahi.
e. Sum kijangdoh jouse Cash Book a ajihlut ding ahi.
f. Akhut a sum Assembly in aphal jat akoi jing ding, adang se bank a deposit aphat cha a abol ding ahi.
g. Finance Secretary toh sum thu a kitho jing lhon ding, ahimona a, Finance Secretary mopohna jong anei ding ahi.
D. TRUSTEE BOARD
1. KWS Happy Valley Church hi Government of Meghalaya noija registered kibol ahijeh a, Registration of Society Act, 1983 guidelines dungjui ja, Trustee Board kinei ahi.
2. Trustee Board hi: (a) Board Chairman, (b) Board Secretary (c) Members – 5 hiding ahi.
3. Trustee Board members ho hi Houbung thu a Government toh kisaiya akhonna geija pan la ding le mopo ding ahi.
4. Trustee Board member term hi kum 5 hiding ahi. Aphat alhin teng General Assembly in athah alhen ding ahi.
ARTICLE IX : HOUBUNG TIBAH
1. Pathen lenggam machalna ding le kivaihomna akitup theina dinga Houbung in tibah anei thei ding ahi.
2. Houbung tibah thah neiding le lahdohna ding hi General Assembly phatsah hiding ahi.
3. Houbung tibah jouse kumbul kilolna ho hi Deacon Board phatsahpeh (approval) dinga apehlut ding’u ahi.
A. MISSION AND EVANGELISM
1. Houbung in Missionary natoh le Evangelist natohna lama pan kila jing ding ahi.
2. Houbung member jousen Missionary Box akoi ding ahi.
3. Missionary Fund koina dinga Bank Account atum a um ding ahi.
4. Missionary Bank account operate bol ding hi Houbung Chairman, Secretary, Joint Secretary (any two joint signatures) hiding ahi.
5. Aphat dungjuiya Houbung in Missionary le Evangelist goibe/suhlhom thei hi ding ahi.
B. SUNDAY SCHOOL
1. Pathen thu a kikhoukhah nadinga houbung in Sunday School kinei ding ahi.
2. Houbung Vice Chairman hi Sunday School Supervisor hiding ahi.
3. Sunday School zilkung hohi Executive Committee in alhen ding ahi.
C. WOMEN SOCIETY
1. Houbung sunga nute jouse kiloikhomna dinga Women Society um ding ahi.
2. Women Society hin anoiya banga hi panmun anei ding ahi.
i) Chairperson
ii) Vice Chairperson
iii) Secretary
iv) Finance Secretary
v) Treasurer
D. YOUTH FELLOWSHIP
1. Houbung sunga nungah goulhang jouse kiloikhomna dinga Youth Fellowship um ding ahi.
2. Youth Fellowship hin anoiya banga hi panmun anei ding ahi.
i) Chairman/Chairperson
ii) Vice Chairman/Chairperson
iii) Secretary
iv) Finance Secretary
v) Treasurer
ARTICLE X : HOUBUNG TENURE
Houbung le atibah jouse term hi kum khat hiding hichu February – January hiding ahi.
ARTICLE XI : LAMKAI KILHEN (GENERAL ELECTION)
1. Houbung sunga lamkai hohi General Election a kilheng ding ahi. Deacon Board le Auditors hohi houbung mipin alhen ding ahi.
2. Women Society le Youth Fellowship lamkai hohi Deacon Board lamkai na a General Election masanga kilheng doh dingu ahi.
3. Houbung sunga panmun dang ho viz., Sunday School Teachers, Sound Operators, etc., hohi Executive Committee in alhen ding ahi
4. Houbung member twilutsa dan joukim jousen lamkai kilhen na a vote aneithei ding ahi.
5. Houbung sunga lamkai a kilheng thei ding ho:
i) Mi pengthah, twilutsa hiding;
ii) KWS Happy Valley Church ngailutna nei mi hiding;
iii) Kum khat beh (w.e.f. date of registered) KWS Happy Valley houbung active member hiding;
iv) KWS Happy Valley houbung sunga peh ding lom pe jing mi hiding;
v) Vetjui theiya hinkho mang mi hiding ahi.
6. Houbung in lamkai kilhenna mopo ding Election Committee anei ding ahi.
7. Election Committee hi General Assembly in alhen ding ahi. Election Committee hi anoiya bang hiding ahi.
i) Election Chairman
ii) Election Secretary
iii) Members- ngaichat jat
8. Election Committee in free & fair tah a lamkai akilhen theina dinga Election chelhah ding dan (procedure, ballot paper/box, polling boot, vote counting, etc.) agontup ding ahi.
9. Voting hi secret ballot hiding ahi.
10. Houbung/Department Lamkai kilhenna chunga adih louva panla (campaign, canvassing, unfairs means) ajeh puma (proof, eividence) ni som sung kah a akimat doh a ahileh Houbung/Department election results lahlou (null and void) hiding ahi. Hiche teng chuleh aganna thei pena Election Committee/Deacon Board lamkai na a Re-Election um ding ahi. Hiche a adihlou bol ho chu vet a kikoi ding ahi.
11. Lamkai kikhut khelna hi agana theipena Election Committee mopohna a bol ding ahi.
12. KWS Happy Valley houbung a Appointed/Paid Workers ho lamkai a kilheng theilou ding ahi.
13. Lamkai a kilhengdoh koi hileh term lhinglouva hai aumleh Deacon Board lamkaina a Houbung mipi/department members in akhel alhen ding ahi.
14. Member khat in panmun khat kijoma term 2 kalval atoh theilou ding ahi (w.e.f. 2023)
ARTICLE XII : APPOINTED/PAID WORKERS
1. Houbung in appointed Pastor/Missionary/Evangelist/Workers anei thei ding ahi.
2. Houbung sunga appointed worker nei ding hi General Assembly phatsah hiding ahi.
3. Appointed worker neina dia tohgon aum tengleh General Assembly in Selection Committee khat asem ding hiche Committee chun ijakai agontup jou tengleh General Assembly in phatsahna aneiding chujou tengleh Chairman le Secretary in houbung thalhenga appointment lekha apeh ding ahi.
ARTICLE XIII : HOUBUNG PASTOR LHINNA LE MOPOHNA
1. Qualification: Minimum Graduate with BD/M.Div (Recognised University) hiding ahi.
2. Tenure: 5 years
3. Houbung sunga Pathen kin theng jouse Chairman /Secretary toh kiheto a atoh ding ahi.
4. Ngailutna neitah a houbung mite langnei-sihneina umlouhela lhagao lam le tahsa lama apui jing ding ahi.
5. Houbung le departments kikhopna/kin toh kisaiya akiminphah na jouse a pontho tah a pan alah jing ding ahi.
6. Munchom a thusei ding, thempu kin a panna ding chule out station a potdohna ding aumleh Chairman/Secretary toh kiheto ding ahi.
7. Deacon Board phalna louva mundang/kiloikhomna danga tohmun/mopohna aneilou ding ahi.
8. Aphat le ngaichat dungjuiya Deacon Board in angensena/amoposahna ho jouse a pan alah jing ding. Chuleh Deacon Board toh kitho jing ding, atosot/atilkhou jing ding ahi.
9. Pastor hi Deacon Board le Executive Committee a Ex-Officio member hiding ahi.
10. KWS Happy Valley Church Chena-Lhongpi (Constitution)/General Assembly kilolna toh kikal a natoh, kinbol, thuhil, vetjui theilouva achon’a/hinkho aman’a ahileh houbung in haisah thei hiding ahi.
11. Aphat (term) lhing louva haina/haisah ding ahileh 2 months advance notice kipehto ding ahi.
ARTICLE XIV : KIN THENG NATOH
Houbung sunga kintheng ho (Tahsan Twilut, Pakai Antheng jon, Naopui, Kichenna kin, Thivui, Maicham, etc.) bolnom aum leh Chairman/Secretary ahet sah ding ahi.
A. BAPTISM (TAHSAN TWILUT)
1. Tahsan phudetna photchena baptism hi itih phat hijongleh bolthei hiding ahi.
2. Baptism hi twilah a phumlut hi ding ahi.
3. Baptism certificate kipe ding ahi.
B. SACRAMENT (PAKAI ANTHENG JON)
1. Baptism aum teng bol ding chule apoimo dung juiya bol jiji ding ahi.
2. Akibol ding dan hi thempu in pha asah dan-danhiding ahi.
3. Pastor, Chairman le Secretary in aphat dungjuiya Sacrament kin ahingon ding ahi.
C. CHILD DEDICATION (HOU INN A NAOPUI)
1. Houbung sunga naosen peng jouse hou-inn a pui ding ahi. Hou inn a akipuijouva pat houbung member a kisim ding ahi.
2. Pastor in pha asah dungjuiya hou inn a naopuina kin abolding ahi.
3. Child Dedication Certificate kipe ding ahi.
D. HOLY MARRIAGE (HOUDAN THENG A KICHENNA)
1. Houbung member Houdan thenga kichenna neiding hi Baptised changsa, houbung dan juikim nungah/goulhang theng hiding ahi.
2. Houdan thenga kichenna kin aum ding tengleh mipi hetsahna (Notice) kiphong/kitah ding ahi. Koitobang noplouna (objection) nei aumleh jihtho a anoplouna ajeh kichehtah puma akiphon (notice) nia pat ni sagi sung kah a Chairman/Secretary koma objection lekha ahinpeh lut ding ahi.
3. Deacon Board in jinei ding nu/pa kholchilna anei ding, nolnabei ahinai, Houdan Theng a jinei thei ahinai ti mudoh ahijou tengleh bou houbung in seiphatna lekha (Recommendation for Holy Marriage) kipe ding ahi.
4. Houdan theng a kicheng ding tenin ahetoh (witness) anei cheh lhon ding ahi.
5. Houdan thenga kichenna a ahetoh (witness) a pang ding ho jong Baptised changsa, houbung dan juikim nungah/goulhang theng hiding ahi. Witness tenin kigop sunga atoupi lhon ding chule houbung record a hetpihna soi (signature) abol lhon ding ahi.
6. Houdan thenga kichenna kingon (programme) hi insung mite le Deacon Board in asem khom ding ahi.
7. Houdan theng a kichenna nei hohi Holy Marriage Certificate le Cash Award kipe ding ahi.
8. Achunga kiseiho hi houbung member nungah houdan theng a kiengnei ding chunga jong kichepi ding ahi.
E. JINEI JEH A VET A UM LAHLUTNA KICHEN SUHDETNA, MARRIAGE CEREMONY
1. Houbung member nungah/gollhang houbung dan palkeh a jinei jeh a vet a kikoi akisih a hou innsunga mipi le Pathen anga akithum leh Deacon Board in kihouna aneiding, lahlut dinga kiphatsah ahileh Lahlutna le Kichen Suhdetna kin thakhat a kibolpih ding ahi.
i) Pasal: Amabou kithum ding, ajinu houbung dang ahileh a documents/membership ahin kilahdoh jou phatleh ani lhona kilalut ding ahi.
ii) Numei: Vet a kikoi ding, ahin ngaichat dung jui uva, membership/documents ajineina houbung khut a kipedoh thei ding ahi.
2. Member koi hileh houbung hetpihna le phalna a kichenna kin (Marriage Ceremony) bolnom aum jong leh kibolpih thei ding ahi.
3. Member koihileh Kichen Suhdetna (Confirmation of Marriage) bolnom aum leh kibolpih thei ding ahi.
4. Achunga kiseiho kin ho a hi Marriage Certificate kipe ding ahi.
(Holy Marriage Certificate vang nungah gollhang houdan theng a kicheng bou kipe ding ahi.)
F. FUNERAL/CONDOLENCE SERVICE (THILHAH/THIVUI)
1. Houbung in thi vuina kingol asem ding ahi.
2. Houbung mopohna a thilhah/thivui kin thempun abolding ahi.
G. MAICHAM
Houbung sunga koitobang maicham semnom auma houbung panlah ding ahin ngeh leh:
1. Kin neiding ten Houbung Chairman/Secretary ahin hetsah ding ahi.
2. Inneite le Deacon Board kiheto a programme asem ding ahi.
ARTICLE XV : PATHEN THU SEI HO (PASTOR, EVANGELIST, MISSIONARY, MIMAL)
1. Houbung sunga Pathen thusei nom aum leh Chairman/Secretary ahetsah ding ahi.
2. Chairman/Secretary in thusei ding ho kholchilna anei lhon ding, amanin lung opkaina aneilhon leh Deacon Board in asei khom ding ahi. Hiche jouva phalna akipeh louleh koiman anung thu asei thei lou ding ahi. Tahsan ikibahpi ho bou phatmun kipe thei ding ahi.
3. KWS Happy Valley Houbung sunga hi koiman Denomination thu, Doctrine thu aseithei lou ding ahi. Houbung sunga thu sei hon Bible toh kitoh a Pathen thu leh Christian hinkho, tahsa le lhagaova machal nading, kipumkhat nading chuleh lhagao huhhingna thu bou asei thei ding ahi.
4. Koiman kivaipoh dan le ama chang/kiloikhomna dang phatchomna ding thu seina aneilou ding ahi.
ARTICLE XVI : ADAMLOU LE GENTHEI/VANGSETNA TOH HO KIVET DING DAN
1. Houbung member adamlou hospital a kijen aumleh houbung mina General Assembly kiphatsah jat sum a kive ding ahi.
2. Houbung member hatah a damlou or boina/vangsetna sangtah toh aumleh aphat dungjuiya Deacon Board kiphatsahna a kithopina kipe thei ding ahi.
ARTICLE XVII : THINA CHUNGA HOUBUNG PANLAH DING DAN
Houbung sunga thina aum tengleh houbung in anoiya banga hi panlah ding ahi:
1. Thikong (coffin) standard quality man pohdoh ding;
2. Ambulance jahman pohdoh ding;
3. Kolai ho le thivui kin (funeral) chunga lutding ho pohdoh ding;
4. Thi-op pet a mipi chadonna pohdoh ding;
5. Thilong inlang (akhomun) a pohding ahileh, houbung in apohna man kipodoh ding ahi.
ARTICLE XVIII : CSOs/HOUBUNG DANG TOH PANLAH DING DAN
1. Kuki Inpi Meghalya, KSO Shillong chule KWS Shillong toh kithokhom jing ding; Joint Assembly a kilolna ho chepi ding ahi.
2. Social activities or charity natohna lampanga kithopi dinga temna akimu tengleh apoimo dungjuiya Deacon Board Financial delegation power kipe dungjuiya houbung sum manthei hiding ahi. Hiche chunglam ahileh General Assembly phatsah hiding ahi.
ARTICLE XIX : HOUBUNG THIL LE LO (PROPERTY)
1. Houbung nei le gou jouse hi KWS Happy Valley Church property hiding ahi.
2. Houbung property ho hi moh suhchatvei thei hilou ding ahi. Thil le lo ho hi alui/ase jah thei lou/manchah thei lou ho, paimang ding/johdoh ding angai leh Deacon Board in kilolna anei ding ahi.
ARTICLE XX : HOUBUNG PROPERTY KIMANDAN CHUNGA CHEPI DING
1. Houbung property mangnom aum leh Chairman/Secretary koma phalna akilah ding ahi.
2. Caretaker in Houbung Property kiphaldoh ho avetsui ding, ase amang aumleh ala hon asemphat/akhel ding or a sum jat'a adit ding ahi.
3. Houbung Property jahman umlou ding ahi. Ala/amangcha hon kin kichai leh agan nathei pen a anung thahlut ding, koiman houbung thil akoma akoiden lou ding ahi.
4. Hou inn sung/Church Compound/Hall mangcha nom hon Chairman/Secretary koma phalna akilah ding ahi. Kin kichai leh phatesela anung akilhep thengsel ding ahi. Twi le gas man hi kin neihon akipoh dohding ahi.
5. Mimal kina dinga Hou inn sung hi anoiya kipe ho bouva kiphal thei ding ahi:
i) Holy Matrimony (Hou-dan theng a kichenna kin);
ii) Marriage Ceremony (Houbung hetpihna/phalna a kichenna kin, Confirmation Marriage);
iii) Houdan thenga kiengnei ding chanu lhahdohna kin;
iv) Mimal Jubilee mangnom (Marriage Anniversary, Birth Anniversary);
6. Houbung Property Hou inn sunga fitted kiboldenho munchoma mimal kina dinga kiphal lou ding ahi.
7. Hou-inn sunga mimal kin nei koiman Hou inn sung hi ama dei tuma ajep (decoration) lou ding ahi. (Hiche hi hou inn sung ah mi jouse kibangchet in akibole ti vetsahna ahi).
8. Hou inn compound/Hall mangcha hon Govt./Village Authority in aphal lou natohna a amanlou ding ahi. Chuleh Hou inn Compound/Hall a hi chonchan phalou, khamna thei bol, kinah kiboutam, kibungkhena thei phungthu toh kisai ho kiphal lou ahi.
9. Houbung Property/Hou inn/Compound/Hall hin thum ho Chairman/Secretary in akimana ding ajeh or amangnom ho chunga lung sa-itna aneiya ahileh Deacon Board kihouding, hiche a thulhuhna chu achaina hiding ahi.
10. Deacon Board phalna louva koiman hou inn/compound sunga thiljohna, sum holna a aneilou ding ahi.
11. Houbung property hohi non-member tahsan kibahpi ho dinga jong kiphal thei ding ahi.
12. Houbung Property kimanna chunga chepi dinga pha General Assembly in aphat dungjuiya dan asembe thei ding ahi.
ARTICLE XXI : CHURCH CARETAKER (HOU-INN LHACHA)
1. Hou-inn le compound vetup ding; houbung in Hou-Lhacha (Caretaker) kinei ding ahi.
2. Church Caretaker natong dinga tohnomna lekha (application) hinpe ho General Election phatleh kilheng ding ahi. Ijemtia koiman application ahinpeh tahlouva ahileh Executive Committee in Church Caretaker alhen thei ding ahi.
3. Hou-inn Lhacha lhalo hi General Assembly in asem ding ahi.
4. Hou-inn Lhacha natoh ding le mopohna anoiya hohi ahi:
i) Kikhop/kaikhom sehleh kot (Hou inn, Guest room, Hall) hongding/akhah ding;
ii) Hou-inn sung le compound sung asuhtheng jing ding;
iii) Houbung nei le gou ho jouse achintup ding, akoitup ding;
iv) Lamkai ho kihou/kikhop teng leh ngaichat dungjuiya neh le don sem ding;
v) Houbung property ho Chairman/Secretary or concern incharge phalna louva mijah dinga apehlou ding;
vi) Houbung in jin akinei phatleh asasah ding;
vii) Houbung thil ase or ngaichat (house keeping) ho concern incharge koma asei ding;
viii) Ngaichat le apoimo dungjuiya houbung kin toh kisaiya sol le a pang ding;
ix) Mipi koma ama chama ima aseilou ding, thupoimo aumleh Chairman/Secretary or concern incharge koma ahetsah ding;
x) Aphat tina Chairman/Secretary/Pastor toh houbung thua kiheto jing ding ahi.
ARTICLE XXII : LAMKAI HO KIPAMAN (HONORARIUM)
Houbung sunga lamkai ho kipaman (Honorarium) hi General Assembly in asem ding ahi.
ARTICLE XXIII : HOUBUNG SUM (FUND)
1. Houbung sunga sum hunglut ho jouse hi, lamkai hon Houbung thalheng a Houbung machal nading leh Pathen lenggam machal na dinga aman ding’u ahi.
2. Houbung in sum koina dinga Bank Account nationalized bank khat a akoi ding ahi.
3. Bank Account hi Kuki Worship Service Church min a kibol ding ahi.
4. Houbung bank account operate bolna a soi kaiding (authorized signatory) ding hi Chairman toh Finance Secretary le Treasurer khat penpen hi ding ahi.
5. General Assembly in aphat dungjuiya Chairman le Deacon Board sum jahtheina tha (sanctioning power) limit asempeh ding ahi.
6. Houbung sum hi bat a kiphal thei lou ding ahi.
ARTICLE XXIV : HOUBUNG AUDIT
1. Term khat sunga Audit hi nivei (Kumkim le Kumlhun) um ding, ahi.
2. Audit ding tengleh Houbung sunga sum chunga mopo lamkai jousen ama-ama department Cash Books, Receipt books chule cashmemo, bills, supporting documents jouse alhingkeiya Auditor ho henga apehlut ding’u ahi.
3. Audit ding tengleh Bank Statement/Passbook update, Finance Secretary in Bank account um jouse, Auditor ho henga apehlut ding ahi.
A. AUDITORS BOARD
1. Houbung le atibah ho jouse sum le pai ahunglut le apotdoh ho kholchil dinga Houbung in Auditors Board kinei ding ahi.
2. Auditor Board hi anoija bang hiding ahi:
i) Convenor – 1;
ii) Members – General Assembly in pha asah jat;
3. Auditors ho hi General Assembly in alhen ding ahi.
4. Auditors hohi Deacon Board le Executive Committee a panglou ding, amahohi atumbeh athilkholchil dinga tha kipe ahi.
5. Houbung le department sunga lamkai a kilhengdoh ho Auditor a kilheng theilou ding ahi.
6. Kumkim General Assembly tengleh Auditor hon Kumkim Audit Report apeh ding’u, kumlhun/term kichai tengleh kumlhunAudit Report apeh ding’u ahi.
7. Auditors hon Audit Guidelines dungjuiya Audit abol ding’u ahi.
B. AUDITOR’S GUIDELINES
1. Sum hunglut le akijangdoh ho, Cash Book le Reciept/Payment Voucher, bills, cash memo/supporting document dungjuiya akhol ding’u ahi.
2. Receipt Book kisatdoh ho le Cash Book a akijihlut na avet kah ding’u ahi.
3. Voucher/Bills akicheh lou aumleh amopo lamkai adoh ding’u, amudoh dungjui uva sihneina/langneina umlouva noting abol ding’u ahi.
4. Cash in hand a um ding lom, sum asim ding’u ahi.
5. Cash Books/Vourchers/Bills audit kibolsa alui ho, phatah a seal ata ding’u, koitup dinga HoubungSecretary henga apehlut ding’u ahi.
6. Audit notes/observations amu dungjui uva abolding’u, chuleh Houbung sum chunga chepi dinga pha aum leh suggestion apeh thei ding’u ahi.
7. Houbung le department property jouse physical verification abolding’u, ase/abel, amang amudoh dungjui uva noting abol ding’u ahi.
8. Balance Sheet, Income & Expenditure statement asemding’u chuleh Audit Report, General Assembly tengleh aphon ding’u, chule amopo ho copy khat cheh apeh ding’u ahi.
9. Cash Books jouse a certified abol ding’u ahi.
10. Auditor’s notes a kipe ho hi General Assembly in athu asei ding ahi.
11. Audit kibolsa documents ho hi kum 5 sunga kikoitup ding ahi.
ARTICLE XXV : CONSTITUTION AMENDMENT
1.Hiche Houbung kivaihomna Danpi hi ngaichat dungjuiya semphat thei, sembe thei, suhlhom thei chule khel (amend) thei hiding ahi.
2. Houbung Danpi velvetna, khelding, lahdoh ding aumleh General Assembly tengleh Amendment Committee kilheng ding; amahon lha-gup sunga mipi phatsahpehna (approval) dinga General Assembly tengleh ahin pehlut ding’u ahi.
3. Constitution Amendment ding hi, General Assembly meeting a hung pang atamjon khelding adeileh bou hithei ding ahi.
ARTICLE XXVI : AKI NGAH TAH LEH (DISSOLUTION)
KWS Happy Valley Church, Shillong hi sei theilouva akingah khah tahleh, koiman thil le lo hi ama dinga akilah theilou ding; amavang kinaipipen KWS houbung koma kipelut ding ahi. Hiche nadinga hi General Assembly phatsah hiding ahi.
---- xxx ----
Constitution Drafting Committee 2003
Dated 9th February 2003
1. Pa Chinkhomang Zou : Chairman
2. Pa Tohkholal Khongsai : Secretary
3. Pa Hollet Khongsai : Member
4. Pa Pahen Kipgen : Member
5. Pa Lunkam Haokip : Member
6. Pa Seilal Haokip : Member
1st Constitution Amendment Committee 2005
Dated 8th April 2005
1. Pa Lalpu Singsit : Chairman
2. Pa Tohkholal Khongsai : Secretary
3. Pa Lamjahao Hangsing : Member
4. Pa Chonkhothang Chongloi : Member
5. Pa LT Kuki : Member
6. Pa S. Haolai : Member
7. Pa Hollet Khongsai : Member
8. Nu Pachin Hangsing : Member
9. Gl.Hegou Chongloi : Member
10. Rev. Helien Singsit : Invitee
2nd Constitution Amendment 2006 on the 25th November 2006 General Assembly
3rd Constitution Amendment 2007 on the 18th August 2007 General Assembly
4th Constitution Amendment 2009 on the 15th August 2009 General Assembly
5th Amendment Committee 2017
Dated 15th July 2017
1. Pa Lalpu Singsit : Chairman
2. Pa Tohkholal Khongsai : Secretary
3. Pa D. Ngampu : Member
4. Pa Tongkhohao Lhundim : Member
5. Pa Pahen Kipgen : Member
6. Rev. Samuel Awnkhongam : Invitee
7. Pa Chinkhomang Zou : Invitee
6th Amendment Committee 2022
Dated 23rd July 2022
1. Pa Chinkhomang Zou : Chairman
2. Pa Tohkholal Khongsai : Secretary
3. Rev. Dr. Hemkkhomang Haokip : Member
4. Pa D Ngampu : Member
5. Pa Paothang Singsit : Member
6. Pa Ronald Misao : Member
7. Pa Pahen Kipgen : Invitee
4. HOUKHOM NA MUN
Hiche houkhom namun hi Happy Valley (Thembasuk Village), Madanriting Police Station, Shillong, East Khasi Hills District, Meghalaya muna um ding ahi.
5. DOI LE TUP (Aims and Objectives)
(i) Christa kipana thupha seiphong na ding le Pakai lenggam machal nading.
(ii) Christa tahsan chate hon Pathen lungdeiya hinkho theng aman thei na ding.
(iii) Christa huhhing nei nai lou hon huhhing na akimu thei nading chuleh huhhing changsa ten Pathen thua kitil khou be thei na ding.
(iv) Pathen lenggam machal na dinga pan lah ding.
(v) Houbung sunga da ni hihenglang kipa ni hijong leh khat le khat kihu to a, pan lah khom ding.
(vi) Lhagaova lamvaite hatsah ding chule vaicha genthei te Pathen thua lhamon ding, tilkhou ding.
(vii) Pathen’a Kin Theng ho Naopui, Twilut (Baptism), Antheng Jon, Kichen, Thivui, Maicham, Golvah chueh a dang dang tohthei na ding.
(viii) Houbung dang toh kiloikhom ding, kihet to ding, Pathen thua kitil khou to ding.
(ix) Hiche Houbung hin kai na le bena tum anei lou ding, Denomination dang toh Doctrine chekhomna atuma anei louding, muntina Kuki Worship Service (KWS) umho tailou, achombeh a jong kijopmatpi anei lou ding, min kibahpi dang umjong leh kivaipohna hi atuma kipo ding ahi.
6. MEMBERSHIP
(i) Koi hileh Christian hitapou member hithei ding ahi.
(ii) Member hiding jousen, min khumna lekha (membership form) ahinpehlut ding, Deacon Board in avetchil a, lahlut ahijoutengleh Houbung-minbu a kijihlut ding ahi.
(iii) Member koihileh Hou dantheng toh kitohlouva jinei aumleh vet a kikoi ding ahi. Chuleh vet a kikoisa Pathen le mipi masanga kisihna aneija, ngaidam athumleh lahlutna kin kibolpeh ding ahi.
7. KIVAIPOHDING DAN (Administration)
Hiche Houbung hin anoija banga hi kivaihom na aneithei ding ahi.
(I) GENERAL BODY / GENERAL ASSEMBLY
(i) Houbung member twilutsa jouse hi General Body kiti ding ahi. Chuleh General Body kikhoukhomna hi General Assembly kitiding hichu Houbung sunga asangpen leh thaneipen hiding ahi.
(ii) Houbung tohgon len ho jouse General Assembly phatsah hiding ahi.
(iii) Houbung sunga lamkai ho hi General Body in alhen ding ahi.
(iv) Houbung sunga Department ahilouleh panmun (elected post hihen paid worker post hijongleh) tamsah, lhomsah, suhmang hi General Assembly bouvin tha anei ding ahi.
(v) General Assembly phatsah a Department ahilouleh panmun akisembe tengleh kilhen/appointment masanga atohding le amopohding (job specifications) jong kichehsela kisemtha ding ahi.
(vi) General Assembly tengleh kihoukhomna kipat masanga Assembly Chairman le Assembly Secretary ding General Body in alhen ding ahi.
(II) TRUSTEE BOARD
(i) KWS Happy Valley Church hi Government of Meghalaya noija registered kibol ahijeh in, Registration of Society Act, 1983 guidelines dungjui ja, Trustee Board kinei ding ahi.
(ii) Trustee Board hi: (a) Board Chairman, (b) Board Secretary (c) Members – 5
(iii) Trustee Board members ho hi Houbung thu a Goverment toh kisaiya akhonna geija pan la ding leh mopo ding ahi. Thil danga amaho hi ngaichat khoh hilou diu ahi.
(iv) Trustee Board member term hi kum 3 hiding ahi. Aphat alhin teng General Assembly in athah alhen ding ahi.
(III) EXECUTIVE COMMITTEE
(i) Houbung le abahkai sunga lamkaiya kilhengdoh ho jouse hi Executive Committee member hidiu ahi.
(ii) Houbung le department thutoh kisai ho hi Executive Committee in asesei ding ahi.
(iii) Chairman le Secretary in apoimo dungjui ja Executive Committee meeting akou ding ahi.
(IV) DEACON BOARD
(i) Houbung sunga aphat tin’a mipi thalhenga mopo ding le vaihom dinga kilheng doh lamkai hohi ‘Deacon Board’ kiti ding ahi. Deacon Board in alhompena anoija banga hi tohmun anei ding ahi.
(1) Chairman
(2) Secretary
(3) Finance Secretary
(4) Tresurer
(ii) Achunga ho tilouva panmun dangho ngaichat dungjuiya General Assembly phatsah a kilhengbe thei ding ahi.
(iii) Chairman le Secretary in ngaichat dungjui a Deacon Board meeting akou lhon ding ahi.
8. DEACON BOARD A KILHEN THEI DING HO
(i) Mi pengthah tuilutsa hiding.
(ii) KWS Happy Valley Church ngailutna nei mi hiding.
(ii) Member kum khat beh Houbung sunga kimangchasa hiding.
(iii) Ji nei ahileh achungthu boina nei hilou ding.
(iv) Pathen a peh ding lom, kitup tah a pe jing hiding.
(v) Vetjui theiya hinkho mang mi hiding.
9. DEACON BOARD TOHMUN LEH MOPOHNA
(i) CHAIRMAN
(a) Houbung sunga lamkai pipui hiding ahi.
(b) Kikhopkhom na jouse le kihouna jouse a Chairman hi ding ahi.
(c) Ajochan a Houbung sunga ana dammo avil jing ding, atao peh ding ahi.
(d) Kiloikhom na dang ho toh Houbung mina/thalhenga thusei ding ahi.
(e) Houbung sunga kin ho jouse alamkai ding.
(f) Chairman in akhoh le ngaichat dungjui ja, naopuina, thivuina, chuleh vet a um ho le member thah lahlut na kin abol thei ding ahi.
(g) Pathen thusei ho Pastor/Evangelist hung aumleh alamdot ding, Deacon Board phatsah dung juiya, Pathen thuseina le KinTheng atohsah thei ding ahi.
(h) Deacon Board toh kithoa lhagao lama mipi atilkhou jing ding amapui jing ding ahi.
(i) Meeting tengleh langneina nei louhel a, member atamjo dei dungjui a thutan na anei ding ahi.
(j) Houbung sunga alamkai khompi ho avet tup ding, atosot jing ding ahi.
(ii) SECRETARY
(a) Houbung records, Documents ho avet tup ding, kilolna ho jouse ajihlut/akoitup ding ahi.
(b) Members Registers, Certificates ho jouse avet tup ding amopoh ding ahi.
(c) Houbung a konna lekha thot ho athot ding chuleh Houbung dinga lekha thot ho jouse File a akoi tup ding, mipi hetdinga kilom aum leh Chairman toh kiheto a aphon doh ding ahi.
(d) Houbung nei le gou ho avetsui ding .
(e) Mipi hetdinga kilom thu ho jouse ahetsah a pang ding ahi.
(f) Chairman umloupet a amopohna apohtha thei ding ahi.
(g) Hou inn kaikhom programme (kin-goul) ama mopohna hiding chuleh Houbung sunga kin-goul ho Chairman/Pastor toh kihoutoh a agongtoh a pang ding ahi.
(iii) FINANCE SECRETARY
(a) Houbung sunga sum le pai hunglut le apot ho jouse avet tup ding.
(b) Chairman/Secretary/Committee phatsah bouva bill, cash payment abolding ahi.
(c ) Bank toh kisai jouse ama mopoh na hiding, chuleh Houbung bank document jouse ama khut a um ding ahi.
(d) Treasurer toh paisa thua kitho jing lhon ding, Treasurer ahimo nachen, amopohtha ding ahi.
(e) Houbung sum kibol dan hi, treasurer toh Section 12 a kisei Houbung Finance Rules dung jui a achepi ding ahi.
(f) Houbung Secretary aumlou tengleh Secretary mopohna jong aneithei ding ahi.
(iv) TREASURER
(a) Houbung sum aching tup a pang ding ahi.
(b) Akhut a paisa Committee in aphal jat akoijing ding, adang se bank a deposit aphat cha abol ding ahi.
(c) Bank a sum koilut le aladoh a pang ding, phate a bank statement le ama record akibah sah jing ding ahi.
(d) Finance Secretary toh paisa thu a kitho jing lhon ding, ahimona chen, Finance Secretary mopohna jong anei ding ahi. Sum thu a bol ding dan hi Finance Rules (Section 12) a kisei banga achepi ding ahi.
10. TENURE
Houbung term hi kum khat (one year) hiding hichu February – February hiding ahi.
11. LAMKAI KILHEN (ELECTION)
(i) Houbung sunga lamkai ho jouse hi General Assembly a kilheng ding ahi.
(ii) Houbung member twilutsa dan joukim jousen lamkai kilhen na a vote aneithei ding ahi.
(iii) Term kichai Lamkai kilhena á mopo ding Election Committee umding ahi.
(iv) Election Committee hi General Assembly teng kilheng ding ahi.
(v) Election Committee hi (a) Election Chairman (b) Election Secretary (c) Members – ngaicha Assembly pha asah jat hiding ahi.
(vi) Lamkai kilhen dan hi (election procedure) hi secret ballot a kibol ding ahi.
(vii) Lamkai lui leh athah kikhut khelna hi agana theipen bolding hichu Election Committee mopohna hiding ahi.
(viii) Paid Workers ho lamkai a pangthei lou ding ahi.
(ix) Lamkai a term lhinglouva hai/thina toh aumleh Deacon Board lamkaina noiya mipin akhel alhending ahi.
12. AUDITORS BOARD
(i) Houbung le departments ho jouse sum le pai ahunglut le apot doh ho kholchil dinga Houbung in Auditors kinei ding ahi.
(ii) Auditor Board hi anoija bang hiding ahi.
(a) Convenor – 1
(b) Members – General Assembly in pha asah jat.
(iii) Auditors ho hi General Assembly in alhen din gahi.
(iv) Auditors ho hi lamkaiya kisimlou ding, amaho hi atumbeh a thil kholchil dinga tha kipe ahi.
(v) Houbung le department sunga lamkai ho Auditor a pang thei lou ding ahi.
(vi) Term khat sunga Audit hi nivei um ding, Half-Yearly le Annual Audit hiding ahi.
(vii) Kumkim General Assembly tengleh Auditors hon Summary Finance Reports apeh diu, kumlhun/term kichai tengleh kumlhung (Annual) Finance Report apeh diu ahi.
(viii) Auditor hon Sectione 14(D) a kipe Audit Guidelines dungjuia Audit abol diu ahi.
13. HOUBUNG FINANCE RULES
(i) Houbung sunga sum hunglut ho jouse hi, lamkai hon Houbung thalheng a Houbung machal nading leh Pathen lenggam machal na dinga aman diu ahi.
(ii) Houbung in sum koina dinga Bank Account nationalized bank khat a akoi ding ahi.
(iii) Bank Account hi Kuki Worship Service Happy Valley Church min a kibol ding ahi.
(iv) Houbung bank account operate bol ding ahi Finance Secretary, Treasurer chuleh Chairman, amaho thum lah a mi ni in joint signature hiding ahi.
(v) General Assembly in aphat dungjuiya Chairman le Deacon Board Financial sanctioning power limit asempeh ding ahi.
(vi) Houbung sum hi bat a kiphal thei lou ding ahi.
(A) SUM HUNGLUT HO BOLDING DAN (INCOME)
(i) Paisa hunglut ho jouse Finance Secretary in Receipt asa ding ahi.
(ii) Sum ahunglut teng leh Finance Secretary in Receipt Voucher leh ama (concern account head) Cash Register ajihlut ding chujou teng leh Treasurer henga apehlut ding chuleh Treasurer in paisa kala tai ti hetna a Finance Secretary Receipt Vourcher leh Cash Register a soi akai ding ahi.
(iii) Treasurer in ama Cash Ledger a phatah a ajih lut ding ahi.
(iv) Reciept le Voucher jouse akimangchai sa hihenlang, akimangna lai hijong leh Finance Secretary in Audit dinga phatah a akoi tup ding ahi.
(B) SUM KIJAHNA CHUNGA BOL DING DAN (EXPENDITURE)
(i) Houbung le department sunga sum kijahna jouse hi Head of Department (HOD) het a kiphal ding ahi.
(ii) Paisa akimandoh teng leh Treasurer in Payment Voucher a akijahna ajeh kicheh tah ajih ding, Cashmemo/bills/supporting documents toh akiltha ding chuleh Finance Secretary hiche cashmemo/bills/supporting documents jouse chunga soi akai ding, chujou teng leh achaina a, HOD in Payment Voucher chunga soi akai ding ahi.
(iii) Payment Voucher a akijih banga Finance Secretary in ama (concern account head) Cash Register chuleh Treasurer Ledger a ajihlut ding ahi.
(C) HOUBUNG AUDIT
(i) Audit ding teng leh Houbung sunga paisa chunga mopo lamkai jousen ama ama department Cash Books, Receipt books chuleh cashmemo, bills, supporting documents jouse alhingkeja Auditor ho henga apeh lut diu ahi.
(ii) Audit ding teng leh Bank Statement/Passbook update, Finance Secretary in Bank account um jouse, Auditor ho henga apeh lut ding ahi.
(D) AUDITOR’S GUIDELINES
(i) Sum hunglut le akijangdoh ho, Cash Book le Reciept/Payment Voucher, bills, cash memo/supporting document dungjui a akhol diu ahi.
(ii) Receipt Book kisatdoh ho le Cash Book a akijihlut na avet kah diu ahi.
(iii) Voucher/Bills akicheh lou aumleh amopo lamkai adoh diu, amudoh dungjui uva sihneina/langneina umlouva noting abol diu ahi.
(iv) Cash in hand a umding lom, paisa asim diu ahi.
(v) Cash Books/Vourchers/Bills audit kibolsa alui ho, phatah a seal ata diu, koitup dinga Houbung Secretary henga apehlut diu ahi.
(vi) Audit notes/observation amu dungjui uva aboldiu, chuleh Houbung paisa chunga chepi dinga pha aum leh suggestion apeh thei diu ahi.
(vii) Houbung le department property jouse Property Register dungjuija physical verification aboldiu, ase, amang ho, amudoh dungjuiuva noting aboldiu ahi.
(viii) Balance Sheet, Income & Expenditure statement asemdiu chuleh Audit Report, General Assembly tengleh aphondiu, chuleh amopo ho copy khat cheh apeh diu ahi.
(ix) Cash Books jouse a certified abol diu ahi.
(x) Auditors notes a kipe ho hi General Assembly in athu asei ding ahi.
(xi) Audit kibolsa documents ho hi kum 5 sunga kikoitup ding ahi.
14. HOUBUNG TIBAH (DEPARTMENTS)
(i) Pathen lenngam machal nading leh Pathen thua kipui hoi be thei nadinga Houbung sunga departments/Sub-Committee anei thei ding ahi.
Example: Women Society, Youth Fellowship, Sunday School, etc.
(ii) General Assembly in aphat le ngaichat dungjuiya department dang asembe thei, chuleh angai khoh louleh asuhlhom/alahdoh thei ahi.
(iii) Department tohmun (post) lhending jat hi General Assembly phatsah hiding ahi.
(iv) Department jouse kumbul kilolna ho hi Deacon Board phatsahpeh dinga apeh lut diu ahi.
15. HOUBUNG THIL LE LO (PROPERTY)
(i) Houbung nei le gou jouse hi KWS Happy Valley Church property hiding ahi.
(ii) Houbung property mangnom aumleh Chairman/Secretary kom a athum ding ahi.
(iii) Houbung property mangcha jousen alhingkeija, anung thah ding, ijem tia ase, amang aumleh athil tobang khata akhelding ahilouleh amanjat sum’’a adit ding ahi.
(iv) Houbung property ho hi moh suhchatvei thei hilou ding ahi. Thil le lo ho hi alui/ase jah thei lou/imangcha thei lou ho, paimang ding/johdoh ding angai leh Deacon Board in phatah a kilolna anei ding ahi.
16. PATHEN THU SEI HO
(i) Houbung sunga Pathen thusei nom aum leh Chairman/Secretary kom a ahetsah ding ahi.
(ii) Chairman/Secretary in thusei ding pa/nu kholchilna anei lhon ding, amanin akholchil theilouva lung opkai na aneilhon leh Deacon Board in asei khom ding ahi. Hiche jouva phalna akipeh louleh koiman ima anung thu asei thei lou ding ahi.
(iii) KWS Happy Valley Houbung sunga hi koiman Denomination thu ahilouleh Doctrine thu asei thei lou ding ahi. Houbung sunga Pathen thusei hon Bible toh kitoh a Pathen thu leh Christian hikho, tahsa le lhagao va machal nading le kipumkhat nading chuleh lhagao huhhingna ding thu bou asei thei ding ahi.
(iv) Koiman kivaipoh dan le thudang ama chang/kiloikhomna phatchomna ding thu seina anei lou ding ahi.
17. CONSTITUTION AMENDMENT
(i) Houbung kivaihomna Danpi hi semphat thei, sembe thei, suhlhom thei chuleh khel (amendment) thei hiding ahi.
(ii) Houbung Danpi velvetna, khelding, lahdoh ding aumleh General Assembly tengleh Amendment Committee kilhengding amahon lhagup sunga mipi phatsahpehna (approval) dinga General Assembly tengleh ahinpehlut diu ahi.
(iii) Constitution Amendment ding hi, General Assembly meeting a hungpang atamjon khelding adeileh bou hithei ding ahi.
18. PAID PASTOR/MISSIONARY/WORKERS
(i) Houbung in paid pastor/missionary/worker anei thei ding ahi.
(ii) Houbung sunga paid worker nei ding thu hi General Assembly phatsah hiding ahi.
(iii) Paid worker neina dia tohgon aumteng leh General Assembly in hichedinga Selection Committee khat asem ding hiche Committee chun ijakai agontup jou tengleh Chairman/Secretary in mipi thalhenga appointment lekha apeh ding ahi.
19. KIN THENG NATOH
Houbung sunga kintheng ho (twilut, naopui, kichenna, kipana maicham semnom, etc.) bolnom aum leh Chairman/Secretary ahet sah ding, hiche dungjui a Deacon Board kihouva hiche kintheng ho kitonglha ding ahi.
20. AKI NGAH TAH LEH (DISSOLUTION)
Ijem tia KWS Happy Valley Church, Shillong hi sei theilouva akingah khah tah leh, koiman thil le lo hi ama dinga akilah theilou ding, amavang kinaipipen KWS dang ham ahilou leh doi le tup kibahpi organization khat henga Houbung nei le gou ho hi kipe ding ahi. Hinlah hiche nadinga hi General Assembly phatsah hiding ahi.
---- xxx ----
Constitution Drafting Committee
(Dated 9th February 2003)
1. Pu Chinkhomang Zou - Chairman
2. Pu Lalboi T Khongsai - Secretary
3. Pu Hollet Khongsai - Member
4. Pu Pahen Kipgen - Member
5. Pu Lunkam Haokip - Member
6. Pu Seilal Haokip – Member
1st Constitution Amendment Committee
(Dated 8th April 2005)
1. Pu Lalpu Singsit - Chairman
2. Pu Lalboi T Khongsai - Secretary
3. Pu Lamjahao Hangsing - Member
4. Pu Chonkhothang Chongloi- Member
5. Pu LT Kuki - Member
6. Rev. Helien Singsit - Special Invitee
7. Pu S. Haolai - Member
8. Pu Hollet Khongsai - Member
9. Pi Pachin Hangsing - Member
10.Gl.Hegou Chongloi – Member
2nd Constitution Amendment
On the 25th November 2006 at Houbung Committee meeting
3rd Constitution Amendment
On the 18th August 2007 at Houbung Committee meeting, ammended in according to the Registration of Societies Act, 1983
4th Constitution Amendment
On the 15th August 2009 at Houbung Committee meeting
5th Amendment Committee
Amended on the 15th July 2017
(i) Pu Lalpu Singsit - Chairman
(ii) Pu Lalboi T Khongsai - Secretary
(iii) Pu D. Ngampu – Member
(iv) Pu Tongkhohao Lhundim – Member
(v) Pu Pahen Kipgen – Member
(vi) Rev. Samuel Awnkhongam – Invitee
(vii) Pu Chinkhomang Zou - Invitee